【香港】劉小麗籲泛民整合 爭不同光譜選票

2018-12-06|来源: HK-蘋果

原盼參選重奪被政府DQ的議席,卻遭政府DQ參選資格;力撐泛民代表李卓人參選,PlanB卻敗給建制。劉小麗坦言對補選結果心痛,但未對港人失望:「好多人無出嚟投票,有理性嘅原因,唔能夠話唔投票就係唔支持民主」,認為敗選責任「無謂歸咎個別嘅人」,泛民未來必須作更好整合,亦要游說不同光譜的選民求共存異。

記者:林俊謙

補選期間為李卓人助選的劉小麗,補選一周後在立法會附近的餐廳接受《蘋果》訪問,她指至今對民主派無法取回議會關鍵一席感到心痛,「民主派攞唔返呢一席,今日嘅建制派更加張牙舞爪,連朱凱廸都話要去追殺」,透露開票當晚得悉民主派再落敗時,「我喺屋企都喊咗一場,先去點票中心」。

相關新聞:必就政府DQ提選舉呈請

「敗選無謂歸咎個別嘅人」

劉小麗指不少巿民也稱對補選結果感灰心,但她不會對港人失望,否則就對不起投票支持李卓人的九萬多位市民,認為民主派應去理解為何有選民不投票。劉小麗不諱言對李卓人在公屋區得票較姚松炎更低感到「好諷刺」,因為李過去一向力撐基層:「我哋都預計過,中、高收入巿民未必好喜歡佢,但佢係一個撐基層、有政績、有實踐,真係改善過民生嘅人,點解基層好似唔知道,感覺唔到呢?」

劉小麗認為這除了與建制派透過耳語系統成功在社區抹黑李卓人有關,民主派亦有改進空間,「會唔會我哋(民主派)要重新搵一啲貼地、無論政治以至民生,巿民都認同嘅議題,努力一齊去推動呢?要畀巿民見到(民主派)呢班人真係同一班人」。

劉小麗指不少選民今次放棄投票,除因政府不斷DQ民主派參選人,亦反映民主派日常工作須作更強整合,「喺比例代表制下,要去諗最共通嘅形象同議題都唔容易,但(民主派)要有決心去做」,認為民主派要游說不同光譜選民理解大家的不同,求同存異,「呢個過程唔容易發生,亦需要時間,但係絕對需要做」。

對於泛民敗選後,有聲音將責任歸咎於不同人士如前青年新政成員、黃埔區議員鄺葆賢等,劉認為民主派「無謂歸咎個別嘅人」,因泛民政治光譜極闊,「每個人做嘢嘅最佳手法都有唔同,我哋睇唔到,唔代表人哋無做,又何必質疑?」

相关文章

    shenyun performing arts
    Hot
    Copyright © 2010-2012 SOHCRadio All Rights Reserved.
    地址:2220 Midland Ave., Unit 87, Toronto M1P 3E6, Canada    電話:416-737-0431
    友好鏈接:希望之聲縂臺 | 巴黎生活臺 | 灣區生活台 | 澳洲生活台 | 中國事務 | 新唐人加拿大 | 大纪元欧洲网 | 看中國