【香港】退休未忘政 李鵬飛:建制派要企香港呢邊

2018-10-07|来源: HK-蘋果

2001年起擔任港臺《議事論事》節目主持的李鵬飛,今年7月告別節目光榮退休,「唔使做主持,真係甩身嘞,可以逍遙快活」。安坐在尖沙嘴的辦公室內,78歲的政壇元老李鵬飛,枱頭放著攤開了的報紙,拿著放大鏡逐字細嚐。邊說對政事「冇眼睇」會更快樂,邊對中央對港全面收緊管治權未能釋懷,始終是一個年代的承諾,說好了的一國兩制變形走樣,過渡期間為此奔走的飛哥難免神傷,可以預視兩制下的衝突仍不絕,飛哥冀望建制派「一定要企喺香港呢一邊!」

見西環干政「好唔開心」

從政近40年,政治癮終究斬不斷。闊別幕前的飛哥幾乎每天中午約12時便返回尖東辦公室,閱報上網聽收音機,「12點就聽新聞、3點就聽劉銳紹嘅《中國點點點》,4點零就返屋企,屋企個書房我都未用過,有個office吖嘛,咪避屋企人遠啲囉,哈哈哈」。不做主持一身輕,飛哥坦言「最緊要冇壓力」,「做節目要有準備,要主持又要諗定問啲乜,直播節目更加唔錯得。有次(主持直播節目)我連劉兆佳個名都諗唔起,最尾要自己打自己啦!」

由踏入政壇到退休,政治局勢始終理還亂,雖說刻下冷眼政事,飛哥自覺退休了「唔關我事」,「當你冇眼睇,你覺得自己會快樂好多,使乜咁勞氣呢?」但邊談香港發展,還是笑中有氣,尤其談及回歸後的香港定位,「中聯辦本來係聯絡辦公室之嘛,而家變咗話事辦公室,又話西環中環要行埋一齊,香港人聽到、尤其我哋啲老嘢,好唔開心?嘛……到咗30幾年後退落嚟,先至清醒,原來呢個特區政府冇話事(權)喎,咁咪惟有算數囉!」

曾任行政立法兩局議員,飛哥過渡期間多次因香港回歸問題與時任英國首相戴卓爾夫人交手,憶述當年均以香港利益為優先,「我話如果香港利益受損,無論乜政策,都當佢死嘅」。時移勢易,現在當權的建制派在他眼中「只有目的、冇咗目標」,並非以民意角度為出發點,例如反對以特權法調查港鐵沙中綫的工程問題,飛哥就難以理解,質疑凡事聽從西環或者北京旨意,「因為你(建制派)有某啲位置要攞到」,「但我認為作為立法會議員,最緊要幫香港人出聲吖嘛,要為香港人服務」。

堅持與兩局舊友聚會

暢談近句鐘,飛哥仍然滔滔不絕,「23條一定嚟?,你話香港人點會唔驚?CY最想製造呢樣矛盾,上任特首係鬥爭能手嘛。特首呢個位都好難做,林鄭做可能著數啲」。

與記者傾到近4時,又是飛哥「下班」休息時;雖然中氣仍十足,體力始終不及當年,「好多人約我嗰啲應酬,我都推咗」,惟與大Sir鍾士元及行政兩局議員的聚會,像《基本法》一樣50年不變,「大Sir今年101歲;鄭漢鈞91、招顯洸都90(歲),謝志偉就84歲,我78歲,最細係我呀!」

■記者許偉賢

相关文章

    shenyun performing arts
      Hot
      Copyright © 2010-2012 SOHCRadio All Rights Reserved.
      地址:2220 Midland Ave., Unit 87, Toronto M1P 3E6, Canada    電話:416-737-0431
      友好鏈接:希望之聲縂臺 | 巴黎生活臺 | 灣區生活台 | 澳洲生活台 | 中國事務 | 新唐人加拿大 | 大纪元欧洲网 | 看中國