【香港】女友伴羅冠聰3年:佢只喊過兩次 睹傘運戰友受傷 聞東北案判刑

2017-09-10|来源: HK-蘋果

羅冠聰因公民廣場案被判入獄8個月,其女友袁嘉蔚陪他走過3年高低起跌。由雨傘運動、學聯退聯潮、立會選舉「逆轉勝」到被DQ,阿聰都咬著牙關撐過去。這些年嘉蔚只見阿聰哭過兩次。一次是傘運期間得悉同行者受傷,另一次是驚聞東北案好友被判入獄,在眾目睽睽下哭得滿臉通紅。但當自己也面臨牢獄之災,他反而坦然面對,「阿聰好有承擔、好有韌力,我唔信第日再有乜難到佢」。

記者:周婷

阿聰在獄中寫信給嘉蔚,暱稱她為「肥妹」。兩口子隔著鐵窗,只能靠寫信傳情。嘉蔚坦言有時仍不習慣、不開心,「唔會話因為佢入去就突然變得好堅強,負面情緒會有,但我有信心克服到,都唔想沉浸喺眼淚中」。

「唔擔心佢條路點行」

也許是沾染了男友迎難而上的氣魄,嘉蔚笑言已自動轉換至「積極模式」,忙於為阿聰善後和張羅入獄所需用品。訪問當天,她正在阿聰家收拾細軟,準備退租。阿聰去年為方便到議會上班,租下港島區單位,因DQ案不得不搬遷,「好現實嘅問題係始終要交租,佢本身係一個好樸實嘅人,唔會話覺得搬咗出嚟,生活就好唔同、奢侈咗啦,其實所有嘢都係,佢放得好開」。

嘉蔚口中「放得開」的阿聰,卻總是放不下戰友。嘉蔚說:「其實我係好少見到佢喊,就算佢喺屋企又好,咩場合都好,從來冇試過因為自己事、或者覺得『好難頂呀』而喊。」男友的眼淚,她見過兩次,「第一次喊係傘運入面發生,係因為見到身邊人受傷,第二次就係東北案」。女友眼中,阿聰花盡心思關心身邊人,多於愛惜自己,「所以身邊嘅人入獄,佢會好唔開心,但係佢自己,佢反而可以好坦然面對」。

雙學三子及東北案十三子成為香港新一代政治犯,嘉蔚以戰友為榮,更形容眾人的勇氣成為了她的力量,「佢哋嘅付出、佢哋嘅犧牲,唔係想我哋傷春悲秋,而係想出面嘅香港人用僅餘自由,做埋佢哋嗰份」。

香港眾志的靈魂人物相繼入獄,又失去羅冠聰的議席。本身是眾志社區幹事的嘉蔚說,眾志必須思考未來路線,但她沒有太多疑慮,對男友亦然,「我唔擔心佢(阿聰)之後條路點行,對佢嚟講、對我嚟講,呢樣嘢都唔係一個好大嘅疑惑」。嘉蔚近日逐步重投眾志的地區工作,「(阿聰)對於我能夠處理自己情緒,佢係安心,令我覺得要再積極啲……學阿聰話齋,迎難以上」。

相关文章

    shenyun performing arts
      Hot
      Copyright © 2010-2012 SOHCRadio All Rights Reserved.
      地址:2220 Midland Ave., Unit 87, Toronto M1P 3E6, Canada    電話:416-737-0431
      友好鏈接:希望之聲縂臺 | 台灣手機台 | 巴黎生活臺 | 灣區生活台 | 英倫生活台 | 澳洲生活台 | 中國事務 | 新唐人加拿大 | 大纪元欧洲网 | 看中國