【香港】民主派總辭癱瘓立法會? 楊岳橋:建制派可如常開會,大家記得臨立會嗎?

2017-07-15|来源: 立場新聞|标签:楊岳橋 集體總辭 劉小麗 羅冠聰 梁國雄 

(編按:前特首梁振英及律政司就劉小麗、羅冠聰、梁國雄及姚松炎四名議員的宣誓提出司法覆核和訴訟,高等法院7月14日裁定四人宣誓無效,失去議員資格。有意見指其他民主派議員應該以集體總辭作為抗爭手段,向政府施加壓力。公民黨議員兼該黨黨魁楊岳橋今天凌晨在facebook發文《總辭百科》,反駁民主派總辭可以癱瘓立法會等說法,全文轉載如下。)

【總辭百科】

Q1:「民主派總辭癱瘓立法會」,可行嗎?

A1:根據《基本法》第七十五條:「香港特別行政區立法會舉行會議的法定人數為不少於全體議員的二分之一。」現行立法會議席總數為70,當中40個議席為建制派,如果民主派總辭的話,建制派可以如常開會、毫無阻力之餘仲有5個位可以輪流休息。極端啲嚟講(今日。都已經好黐線啦)如果無人點人數/要求記名點票,其實只有一個人議員都可以繼續開會。大家記得臨立會全建制派玩曬,一口氣推翻工人集體談判權、重立公安惡法、將更民主的單議席單票修改為比例代表制嗎?

Q2:「總辭=還人民監察權」,真的嗎?

A2:縱然立法會在政府上下其手間慢慢失守,但我們不要忘記立法會的功能:一.制定、修改及廢除法律、二.批準稅收及公共開支、三.對政府的工作提出質詢。制度內堅持職責、監察到底;制度外我們可以向政府施壓,蘊釀民意。總辭只會把僅有的權力送俾對面。大佬呀,韓國民主派用十幾年努力,先爭返議會內議席,十幾年退出議會年期間,是韓國黑暗年代;近近哋你望下澳門議會,立咗23條係因為反對派近乎零……

總辭之後,半年無得再選,咁到時點算?

【DQ6Q&A】

Q1:DQ6無咗啲乜?

A1:首先拉高咗議員平均年齡(苦笑),無咗6個議員即時少咗6個民意代表監察政府。6個議席背後亦代表我哋嘅抗爭資源會大打折扣。各位,地鐵9折捉返條數係姚教授響議事堂即場計出嚟、全民退保係毛哥一直爭取、墟市小組係小麗倡議、國教問題聰辦跟到足。DQ唔係無咗議席咁簡單,係我哋搭車、養老、仔女讀書、督魚旦嘅嘢,都少咗個企響市民嗰邊嘅人睇實。連埋梁游,大嗱嗱18萬人嘅選擇,話無就無,你嘅政治權利同到肉民生都少咗一忽,知無?

Q2:DQ了6個,除了DQ-ed18萬多選票之外,有咩更大鑊?

A2:16年9月立法會選舉地區直選界別民主派與建制派議席數目為19vs16(有否決權),取消6位議員資格後,民主派與建制派議席數目轉為14vs16(無否決權),民主派明明直選贏突,政權唔Like就濫用法律程序令你輸突,議會勢危。

Q3:我好灰,可以點做?

A3:我哋響810何嘗唔係?但比起DQ6,我哋更加無放棄嘅道理。

有票嘅你,千祈唔好唔投票,記唔記得9月新東我哋都創造到一齊贏嘅奇蹟?救香港,只有靠香港人(PS:孫仔兵法真係work,大家要記住,長者投票率高達65%);

有氣有力嘅你,得閒出嚟撐場、做義工,你哋一聲支持,對所有人都係一份力量;

有銀嘅你,多少不拘,請捐助守護公義基金。

所有奇蹟,皆來自累積。自決自強自主自立,要靠我哋實踐出嚟。香港人,頂住呀!
shenyun performing arts
Hot
Copyright © 2010-2012 SOHCRadio All Rights Reserved.
地址:2220 Midland Ave., Unit 87, Toronto M1P 3E6, Canada    電話:416-737-0431
友好鏈接:希望之聲縂臺 | 台灣手機台 | 巴黎生活臺 | 灣區生活台 | 英倫生活台 | 澳洲生活台 | 中國事務 | 新唐人加拿大 | 大纪元欧洲网 | 看中國