【香港】夾擊林鄭  曾:三低特首 港人好難受  胡:假諮詢係林太強項

2017-03-19|来源: HK-蘋果

特首選舉3.26投票前最後一場三名候選人同場的選舉論壇昨舉行,獲中聯辦支持的林鄭月娥遭曾俊華和胡國興夾擊。曾批評多個調查顯示林鄭低民望、低能量、低認受性,是三低特首,擔心由她帶領三低政府,港人未來五年很難受;胡則批評林鄭不斷反口,斥她不誠實,更以全民退保為例狠批:「假諮詢係林太強項」。

記者:姚國雄陳雪玲

由建制及民主派選委合辦的論壇昨晚在機場博覽館舉行,有教育界選委提問時不滿林鄭只選擇有利自己的意見,當作主流意見,有關問題牽起最針鋒相對的一幕。

林鄭率先回應稱日後會小心聆聽意見,曾俊華隨即出擊,指主流意見很清楚:「近日民調反映,Carrie嘅支持度係比佢嘅不支持度相差好遠,一個未上任嘅特首,支持度已經係負淨值,係前所未見,如果特首冇市民支持、冇公務員支持、冇一個廣泛政治光譜支持,或者搵唔到適當人才我哋點樣做管治,我哋只會有一個低民望、低能量、低認受性嘅特首,一個三低特首,帶領一個三低政府,我哋跟住未來五年係會好難受。」

接著回應的胡國興指林鄭經常前言不對後語:「如果我係法官,會話佢係不誠實證人,市民點信你吖?」遭兩人批評的林鄭只以笑容回應。

曾:好多政客講咗當做咗

另有選委問到候選人當選後會否在沒有警方保護下落區,曾俊華說過去兩個月落區均動用最少警力;林鄭則不點名指曾在任時不落區,選舉才落區:「現屆政府經常要求司局長落區,亦都係完全冇警察安排,但恐怕有一位另類啲嘅同事,係完全唔參與落區接觸市民。」

有選委亦向林鄭翻舊賬,指兩年前佔中,林鄭承諾設立一個多方平臺,讓各方討論政改,最終不了了之,林鄭回應時含糊其詞,只稱說當日作出有關承諾後,在金鐘「發生嘅事大家比我清楚」。曾俊華又趁機出擊,指林鄭在西九建故宮博物館上黑箱作業:「好多政客都係講咗當做咗,林太好多例子都係爛尾收場……市民經過過去幾年之後,都知道乜嘢係語言偽術,我哋唔會俾人呃倒。」

林鄭:羨慕曾枱頭乜都冇

參選以來以阻止林鄭當選的胡國興亦加入戰團,指林太若再搞政改,只會出現「佔領成個香港」,認為她難以營造她口中嘅氛圍,更在結語時借退保諮詢狠批林鄭,指「假諮詢係林太強項」,認為諮詢到最後付諸流水,林鄭與曾俊華兩名前司長「互相交波,交交嚇個波都唔知擺喺邊」。

林鄭一度趁飲食界選委黃傑龍請候選人互讚對方時出招,指以往任曾俊華下屬時到曾的房間,「我好羨慕,因為佢枱頭乜嘢都冇,冇file、冇紙張,我就好難做到,因為我好多文件夾,要為介紹政策做好準備」,結果反被曾俊華稱她不了解其做事方式,指工作workhard重要,但worksmart更重要,更趁機還拖指林鄭的工作方式,「確實好多人對佢有好大嘅意見」。

候選人的即場表現似乎無礙選委投票意向,例如已提名曾俊華的建築、測量、規劃及園境界選委吳永輝稱,團隊五票料全投曾俊華;支持林鄭的選委如陳永棋則大讚林鄭表現好,「已經贏咗」。

相关文章

    shenyun performing arts
    Hot
    Copyright © 2010-2012 SOHCRadio All Rights Reserved.
    地址:2220 Midland Ave., Unit 87, Toronto M1P 3E6, Canada    電話:416-737-0431
    友好鏈接:希望之聲縂臺 | 台灣手機台 | 巴黎生活臺 | 灣區生活台 | 英倫生活台 | 澳洲生活台 | 中國事務 | 新唐人加拿大 | 大纪元欧洲网 | 看中國