【香港】【特首選戰】王光亞約見傾選戰 湯家驊:感覺對方傾向屬意林鄭
民主思路召集人湯家驊接受《蘋果》查詢時證實,上週應邀到深圳與港澳辦主任王光亞會面,指過往王光亞與副主任馮巍南下深圳亦會發短訊給自己,「睇下得唔得閒食飯見面」,故無甚至特別,而王光亞此行是想收集各界對特首選戰的形勢分析及意見。

湯家驊強調,不能引述會面內容;問及席間是否感覺對方較支持林鄭月娥?他坦承,「畀我嘅感覺係有傾向屬意林鄭」,他則在席間闡明看法:「我話民意上曾俊華係領先,選舉工程確實亦係好啲,做特首係無問題;如果林鄭做(特首),佢就會面對喺未來5年,重蹈CY嘅覆轍,施政會好困難。」